عزل اجتماعي

Marshmallow_51920 🇯🇴

منذ شهرين

شعور وحيد

اليوم كنت مع صحبيت بالمدرسة المساء عشان كان عنا فعاليات ، المهم خلصت الفعاليات و رحنا على قاعة الانتظار و كانت ام صحبيتي هناك (هي معلمة بالمدرسة) فا و احنا واقفين كان كل حدا بحكي مع صاحبتي ، و أنا زي كأني مش موجودة، ما بعرف ليش هيك بصير معي I’ve never felt like I belonged anywhere

Tofu_45139 🇪🇬

منذ 5 أشهر

شعور عاطفي

عبّر عن شعورك بشكل مجهول

طيب يا جماعه أنا وأخويا كنا قريبين أوي من بعض ...هوا متحكم جدا وكده ومره من كذا سنه لما صاحبت ناس سوشيال كتير يعني وكنا بنتكلم وكده وهوا عرف وقعد يقرأ الشاتات ويقولي ايه القرف ده وأني مقرفه وبتاع وقتها أنا مكنتش أعرف أن ده غلط وكنت صغيره ومعرفش الحرام من الحلال بس كانوا فعلا أول ناس أنا أحبهم يعني وأتمنى نفضل صحاب وقت طويل وقتها ...أنا سمعت كلامه من غير نقاش لأنه قال هيقولك لبابا وأنا قررت أبعد عن الناس دي مع أني تعبت جدا جدا جدا لما سبتهم بس قلت خليني دايما أرتقي لأخلاق أخويا لأني كنت يحترمه جدا ومكنتش عايزاه يزعل مني المهم واتاخد من الفون وبسبب ده حتى أصحابي ف الحقيقه فكروني أني سبتهم وخلو علاقتهم معايا سطحيه والموضوع ده أذاني جامد وقتها يعني كنت حرفيا بقيت منعزله عن كل الناس ومش بكلم حد أو أعرف حد وفضلت ال5 سنين اللي فاتوا على كده يعتبر بقى عندي احساس أن أي حد هعرفه هضطر أسيبه ف المستقبل فمعدش عندي ثقه بحد الصراحه المهم أخويا ده أنا اكتشفت أنه بيكلم بنات وعنده فيك أكونت وخافيه عني عاملي بلوكات عشان معرفش...وكمان على الرغم أنه كان بيقعد يشتم على البنات من النوع ده إلا أني اكتشفت أنه مرتبط هوا مخبي عشان عارف ردة فعلي هتكون ايه ...عايز يتجوزها على حسب مستقبلي أنا وأختي كمان والموضوع تاعبني حرفيا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_50280 🇪🇬

منذ 5 أشهر

شعور مريض

عارفين لما توصلو لمرحله انتو مش راضيين عن نفسكو فيها انا حرفيا هنا مش دا الشخص اللي انا كنت عاوزهاكون عليه بقيت وحشه مهمله ف دراستي ، علاقتي الاجتماعيه بقت زفت معتش بحب اكلم حد ،حاسه اني تايهه بجد عاوزه ارجع طفله متعرفش اي حاجه ف اي حاجه عاوزه ارجع بريئه ارجع حتي سنتين عمري م توقعت اني هوصل للمرحله

Marshmallow_50156 🇪🇬

منذ 5 أشهر

شعور محبط

Mushroom_35310 🇪🇬 الناس انواع في المواساه ي اما تعرفي تختاري صح ودا صعب لانك متعرفيش الناس هتقدر و هتحس بيكي ازاي دا غير ان عمر حد ك هيحس بوجعك غيريك انتي وبس الاحسن انك مدوريش على حد يسمعك طلامه في ربنا ربنا هو الوحيد الى حاسس بوجعك والمك بكل حاجه ربنا هيفهمك من غير م تشرحلي و تعبيري يبقى الاحسن توفري مجهودك انك تدوري على حد ناضج طلامه في ربنا هو الى تشتكي ليه وهو الوحيد الى هيحل مشاكلك مش حد تاني فضفضي لربنا وبس

عرض الكل 18 نصيحة

عبّر عن شعورك بشكل مجهول

وانا مراهقة مريت بأصعب تجارب حياتي وكان عندي اكتئاب صعب جدا بس محدش اخد باله خالص. طبعا أقصد بكلمة اكتئاب الاكتئاب الحقيقي عشان بس في ناس بتفهم كلمة اكتئاب دي اني زعلان يوم يومين ولا اسبوع حتى.. لا.. كان اكتئاب من اللي بجد.
قاعدة لوحدي دايما مش بحب اختلط بأي حد، على طول جوا اوضتي على سريري في نفس المكان مش بتحرك، مش بعمل اي اكتيفيتي غير اني بقلب ع الموبايل وعايشة عليه كأنه العالم الخاص بتاعي ودا بالمناسبة السبب في كل مشاكلي، وكنت اشطر حد طول عمري في الدراسة لكن في الفترة دي مستوايا وقع خالص وكله كان ملاحظ دا ونفسهم يفهموا انا ليه بقيت كدا ومتضايقين بس اني مش بأدي كويس وده حط عليا ضغط كبير اني لازم ابقى كويسة في المدرسة وانا اصلا عندي اكتئاب ف ده زود عليا حالتي جدا.. مكنتش بحب احكي لحد ولا اتكلم مع اي حد وكنت بخاف اكلم اهلي عن المشاكل اللي بتحصل لي اللي سببت لي اكتئاب رغم اني عارفة ان هما دول الوحيدين اللي ممكن يساعدوني بس كنت خايفة يخيب املهم فيا ويزعلوا او انهم اصلا يتضايقوا مني ويتصدموا من اللي حصل معايا واتعاقب اكتر ف حالتي تسوء اكتر ف قررت ما احكيش خالص وكنت يوميا في صراع مع نفسي في الحوار ده.
انا يا جماعة مكنتش باكل بجد ولا اشرب ولا اتحرك وتعبت جسديا طبعا وضعفت اوي مكنتش بحس بنفسي كأن جثة مفتحة عينيها بجد. شعري طبعا قعد يقع كتير لدرجة اني حتى الان مش عارفة اعالجه ويرجع كويس زي زمان.
من كتر الضغوط اللي عليا واللي كانت في تزايد مستمر وكمان المشاكل اللي بتجيب مشاكل بسبب اني طبعا كنت مراهقة والمراهق عبيط مش بيعرف يتعامل صح ومفيش بربع جنيه نضج وعقل ف اكيد لو محدش معاه في طريقه هيضل وتتفاقم مشاكله اللي مفكر انه يقدر يحلها لوحده..
من كتر الضغوط والمشاكل كان عندي كمية كره ذات وعدم ثقة بالنفس مش طبيعيين، وإحساس عارم بعدم الاستحقاقية لأي شيء في حياتي عامةً، وإن اهلي اللي تعبانين وشقيانين عشاني ميستحقوش ان بنتهم تكون بالحالة المخزية دي واني مستاهلهمش.. ففكرت في الهروب بس مش عارفة اهرب ازاي ولا اروح فين.. لحد طبعا ما وصلت للحل الوحيد وهو اني اختفي من العالم ده تماما (في صراع داخلي بين اني عايزة اهرب وان اهلي حتى لو مش بيحبوني او حاسين بالخزي مني زي ما كنت بتوهم بس هما هيتفجعوا في اختفائي دا زي اي اهل).. فكرت في الانتحار بجدية والله كنت بقعد افكر في طريقة وايه هي انسب طريقة بس الحمد لله بفضله وكرمه انه ما قدرنيش ارتكب الجريمة دي سواء بسبب اني كنت خايفة اؤذي نفسي اصلا او اني كنت مرعوبة اقابل ربنا وانا حياتي بايظة بالشكل دا وكنت مقصرة في حق ربنا جدا ومش بصلي ولا بعمل حاجة..
 وآه بالمناسبة أحد المشاكل دي اني اتعرضت للتحرش وكنت خايفة اتكلم عشان حاسة اني السبب رغم اني كنت متخلفة وقتها عشان افكر بالطريقة دي لأني مكنتش السبب ولا حاجة لكن احساس بالخوف من اهلي ورد فعلهم.
تخيلوا يا جماعة اللي مريت بيه دا.. تخيلوه واكتر لأني مقلتش لسه ربع اللي مريت بيه.. تفتكروا حالة زي دي لما تقول ان عندها "اكتئاب" ليه محدش يصدقها او يقلل منها؟ يعني انت ليه بدل ما تسأله عن حاله وتطمن عليه وتحاول تساعده تقوم تعتبر ان دا كلام عبيط عادي ما هو احنا كلنا مكتئبين وبتاع؟

حاجتين أبشع من بعض:
الناس اللي روجت لاستخدام كلمة "اكتئاب" في غير محلها لحد ما بقت وصف عادي مش حالة خطيرة محتاجة علاج وتهدد الحياة.

والناس اللي روجت بردو فكرة ان محدش له الحق يوصف نفسه بحالة معينة طالما ما شخصوش دكتور ودي في حالة زي الاكتئاب مينفعش نقولها للشخص المكتئب والله مينفعش!! تخيل معايا كده تبقى مكتئب لدرجة دماغك وصلتلك ان الانتحار هو الحل ويوم ما تحس انك محتاج مساعدة وتستجمع شجاعتك وكل قوتك وثقتك وتكلم حد وتقوله ان عندك اكتئاب يقوم يرمي بكل مجهودك ومحاولاتك دي بكل إهمال ويقول: "هههه هو كل من هب ودب يقول انا عندي اكتئاب؟ الاكتئاب ده لما تروح لدكتور ويشخصك انما هتقرألي كلمتين من ع النت وتقول اااه انا عندي اكتئاب؟ يا عم روح اقرأ قرآن ولا صلي لك ركعتين او اقولك روح نام هتصحى بكرة زي الفل"

يعني ايه حضرتك؟؟ هو انت كده جبت التايهة؟؟ هو انت مفكرني معرفش الحاجات دي وما حاولتش اعملها مثلا؟ انا مشكلتي اني م ك ت ئ ب وده مخليني مش حابب اعيش اصلا ونفسي اكون كويس عشان اعرف اعمل الحاجات دي بس انا من جوايا مش قادر جوايا تقل الكون كله قلبي متجمد وشي بارد مشاعر مفيش ريأكشنات مفيش احساس مفيش كله سلبيات سلبيات سلبيات.

بالله عليكم يا جماعة نعدل تفكيرنا العقيم دا عشان في شباب زي الورد حياتهم بتروح هدر وكل اللي كان ممكن يساعدهم كلمة صح من شخص واعي!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_48315 🇪🇬

منذ 6 أشهر

شعور محبط

انا ولد عندي 16 سنه عندي مرض عصبي أنني ممكن ارتعش فجاه أو اتحرك من غير قصد الموضوع بقي سخيف اوي وحساسس اني كاره اخرج لو في درس أو حاجه ومفروض اجاوب ممكن معرفش اتكلم أو انطق ب تأتأه او ارتعش جامد. ودا مخليني مضايق لأن الي مش عارف حالتي بيبدا يضحك مثلا او حتي لو مش هيضحك هيتعامل معايا أنه مفروض يشفق ع

Sugar_46410 🇪🇬

منذ 6 أشهر

شعور مكسور القلب

اناحياتي مملة جدا وبشعه .. مبكلمش حد ويعتبر مليش صحاب حياتي شغل وجيم وبيت .. ومليش حد احكي معاه حياتي كلها scrolling ف الابلكشنز ومليش حد اتكلم معاه .. ومش عارفه اعمل اي بجد .. محتاجه نصيحه منكم.. وبس

Tofu_45139 🇪🇬

منذ 6 أشهر

شعور متعب

أنا حاسه أن ممكن يكون حياتي واقفه بسبب كده...أنا كنت انطوائيه جدا وبعدين جاتلي فتره من 5 سنين بدأت أتعرف على ناس سوشيال من بلاد كتير وكان منهم واحد بقينا أصحاب جدا كنت متخليه أني هفضل معاهم طول العمر وكده بس حصلت حاجه وأخويا عرف وقالي مش هكلمهم تاني وأن ده حرام وانسحب مني الفون وكده ومعدتش أكلمهم ت

Coffee_32728 🇪🇬 طيب بصي هوا انا مش عارفه بصراحه يعني 🙂 مش عايزه اقولك حاجه غلط و تبوظ حياتك اكتر بس استشيري دكتور نفسي احسن 🙂👍

عرض الكل 7 نصيحة

Cherry_43709 🇪🇬

منذ 6 أشهر

شعور غير مكتمل

وانا صغير كان معظم وقتي في محل الجزاره او المزرعه بتاعت ابويا المهم وقتها كان ابويا بيجبرني اني اشوف المواشي وهي بتدبح وبتتعذب قدام عيني وانا في سن 6 سنين وبعدها لما كملت 9 سنين ابويا كان بيجبرني اني ادبحهم بنفسي مع اني مكنتش عايز بس للاسف كنت مضطر وطبعا اول تجربه ليا كانت صعبه وقعدت شهور قاعد بحلم

Coffee_27700 🇪🇬 طبيعي يا صديقي بسبب اللي اتعرضتله في سن الطفولة. ارجوك اطلب المساعده من مختص لأنك تستحق تعيش مرتاح البال. تطبيق فيزيتا تقدر تشوف عليه الدكاترة القريبين منك وتقييمهم. ربنا يسعدك 💪🏼♥️

عرض الكل 9 نصيحة

Sugar_41367 🇲🇦

منذ 6 أشهر

شعور مرهق

انا بقالي فترة من تلات سنين تقريبا كنا سافرنا عند خالي و بحكم انه مافيش وايفاي بقيت اقعد ل وحدي واتخيل اشياء في مخيلتي لحد ما انام وكان شعور جميل جدا مش قادرة اوصفه غير انه عكس اي حاجة عشتها ف حياتي و دلوقتي حاسة ان الموضوع اطور و بقا مخوفني لانو صار زي الادمان و اذا كنت ف يوم تعبانة و نمت من غير ما

Pumpkin_41338 🇪🇬 دي متلازمة اسمها جوسكا هي مش خطيرة ولا حاجه غير في مرحلتها الاخيرة و عندها اربع مراحل الاولى هي انك تتخيلي مواقف و الثانية هي انك تندمجي مع الوضع مثل البكاء و الضحك و الثالثة هي الاكتئاب و الرابعة الدخول في غييوبة اعتقد انك في المرحلة الثالثه انقذي نفسك قبل ما تصيري في الاخيرة

عرض الكل 12 نصيحة